Annie's Garden

步步驚心, 一直知道在國內好火, 但我看的原因是因為奧運期間所有韓劇暫停, 就找出黎看看吧! 一看便不能自拔了! 近年除了蝸居之外, 步步驚心係我第二套用心睇既國內劇集... 無諗過咁好睇!

睇完全部35集, 除前半部分拖左少少之外, 由四爺同若曦之間既愛情線開始, 追得我好辛苦呀! 我無諗過, 原來吳奇隆係咁好戲, 我覺得佢做雍正做得好好, 完全搶左八爺鄭嘉穎d戲! 而其他演員如十四爺, 十三爺, 敏敏格格, 宮女玉檀等等, 都做得好好呀!

呢套劇我大推! 雖然係穿越劇, 但只係頭尾兩集首尾呼應現代世界, 其餘都係講女主角係清朝既生活... 個ending我睇左幾次呀! 雍正對若曦既情深, 若曦臨別對雍正既牽掛無恨無悔, 有好多位都觸動我跟住喊...

Ending並非大團圓, 但係, 好深刻留係我腦裏面...

「行到水窮處, 坐看雲起時」, 遇到逆境時應該自強, 新局面或者即將出現

步步驚心據聞即將開拍第二部, 雖然係時裝版, 但我好期待現代版四爺, 十四爺同若曦呀!